Outro ano máis chega a BTT EUROCIDADE VALENÇA-TUI-VALENÇA. Nesta XII edición imos intentar que desfrutedes de novo na compañía dunha chea de amigos, do percorrido, dos avituallamientos, das paisaxes, do bo ambiente, e por suposto, do Porco o Espeto que vos estará agardando ao final da proba.
Temos dous percorridos un de 45 km e outro de 75 km, o primerio deles coa intención de desfrutar do BTT e o segundo xa pensado para gozar e sufrir enriba da bicicleta. Haberá un punto de corte no km 45 (ao paso pola “Ponte de Ferro”, dirección Valença), de forma que aquel participante que non chegue a este punto antes do horario determinado (12:30.es – 11:30.pt), non poderá facer a ruta longa. No caso de que algún participante fora de control decida continuar o percorrido, non atopará sinalización, tampouco avituallamiento, nin irá acompañado de ningún “escoba” facéndoo exclusivamente baixo a súa responsabilidade, polo que libera expresamente á organización, ante todo tipo de accidente, incidente, lesión ou calquera eventualidade que puidese xurdir derivada da súa decisión.
A celebración da marcha está limitada a 1.200 participantes. A proba é libre de carácter non competitivo e será neutralizada ata o km 3.
O percorrido curto é de dificutade física media alta (1.200 m desnivel positivo), alcanzable para ciclistas con certa preparación física e o percorrido longo é de dificultade física alta e unha técnica media (1.950 m. desnivel positivo), pensada para os que queiran empregarse máis a fondo.
A saída dos primeiros 500 ciclistas será por orden de inscripción, así que… non o dubides moito e inscríbete xa!!
